United Kingdom Legislation

Forsamekle as syndrie personis being laitlie callit befoir the kingis maiestie and his secrete counsell to ansuer vpoun certane pointis to haue bene inquirit of thame concerning sum treasounable seditious and contumelious spechis vtterit be thame in pulpet scolis and vtherwayis to the disdane and reproche of his hienes his progenitouris and present counsell contemptuouslie declinit the Jugement of his hienes and his said counsell in that behalf To the evill exemple of vtheris to do the like gif tymous remeid be not providit THAIRFOIR our souerane lord and his thrie estatis assemblit in this present Parliament ratefeis and apprevis and perpetuallie confirmis the royall power and auctoritie over all statis alsweill spirituall as temporall within this realme in the persoun of the kingis maiestie our souerane lord his airis and successouris And als statutis and ordinis That his hienes his said aris and successouris be thame selffis and thair counsellis ar and in tyme to cum salbe Juges competent to all personis his hienes subiectis of quhatsumeuir estate degrie functioun or conditioun that euer they be of spirituall or temporall In all materis quhairin they or ony of thame salbe apprehendit summound or chargeit to ansuer to sic thingis as salbe inquirit of thame be our said souerane lord and his counsell And that nane of thame quhilkis sall happin to be apprehendit callit or summound to the effect foirsaid presume or tak vpoun hand to decline the Jugement of his hienes his airis or successouris or thair counsell in the premisses vnder the pane of treasoun